Аб удзеле Пасольства ў Фестывалі культур
09.10.2017 г.7 кастрычніка 2017 г. Пасольства прыняла ўдзел у IV штогадовым Фестывалі культур народаў свету Outlook World Culture Festival, які праходзіў ў будынку Кіеўскай гарадской дзяржаўнай адміністрацыі.
На стэндзе, прысвечаным Рэспублікі Беларусь, былі прадстаўлены традыцыйныя сімвалы Беларусі, прадметы народнага побыту, нацыянальныя строі, узоры беларускіх рэліквій.
Пасол Ігар Сокал у якасці ганаровага госця прыняў удзел ва ўрачыстым адкрыцці мерапрыемства, цырымоніі стварэння Саду каштоўнасцяў.
Да арганізацыі работы беларускага стэнда былі прыцягнуты студэнты Цэнтра беларускай мовы і культуры ім. У.Караткевіча, які дзейнічае ў Кіеўскім нацыянальным універсітэце ім. Т.Шаўчэнка.