Аб удзеле ва Усеўкраінскім радыёдыктанце ў Міністэрстве замежных спраў Украіны
08.11.2019 г.8 лістапада Пасол Беларусі ва Украіне Ігар Сокал узяў удзел у сустрэчы Міністра замежных спраў Украіны Вадзіма Прыстайкі з шэрагам кіраўнікоў дыпламатычных прадстаўніцтваў ва Украіне з нагоды Дня ўкраінскай пісьменнасці і мовы.
З нагоды свята паслы Беларусі, Вялікабрытаніі, Венгрыі, Германіі, Латвіі, Літвы, Малдовы, Нідэрландаў, якія валодаюць украінскай мовай, па запрашэнні Міністра замежных спраў Украіны ўзялі ўдзел ва Усеўкраінскім радыёдыктанце.
Падчас сустрэчы з Міністрам замежных спраў Украіны В.Прыстайкам Пасол І.Сокал абмеркаваў шэраг пытанняў беларуска-ўкраінскага супрацоўніцтва ў гуманітарнай сферы, а таксама падзякаваў Міністру за падтрымку ў вывучэнні ўкраінскімі студэнтамі беларускай мовы ў Цэнтры беларускай мовы і культуры імя У.Караткевіча на базе інстытута філалогіі Кіеўскага нацыянальнага ўніверсітэта імя Т.Шаўчэнкі.